我们的期盼 - 曲杨卓玛/谢旦

词：门俄保

曲：罗萨

企宣：谢旦贴吧工作室

ཁྱོད་དང་་ང་ཡི་ལང་ཚོ།།

མེ་ཏོག་ཆ་གཅིག་ཡིན་ན། །

ལོ་འདབ་ཕྲ་མོའི་མཛེས་སྡུག །

འཚར་ལོངས་ཇི་ལྟར་བྱུང་འགྲོ། །

ཁྱོད་དང་ང་ཡི་ལང་ཚོ། །

ཤེས་རིག་སློབ་གྲྭའི་ཚལ་དུ། །

སྦྱོང་དང་བརྩོན་པས་བསྐྱལ་ན། །

མཛེས་སྡུག་ངོམ་ལུགས་དེ་ཡིན། །

ཁྱོད་དང་ང་ཡི་ལས་དབང་། །

གངས་འདབས་གཅིག་ཏུ་ཐེབ་པའི། །

ལམ་འའགྲོ་ཆ་གཅིག་ཡིན་ན། །

ཕུགས་བསམ་གང་ལ་གཏོད་འགྲོ། །

ཁྱོད་དང་ང་ཡི་དམ་བཅའ། །

ལས་དང་རྒྱུ་འབྲས་བརྩི་བའི། །

ཡ་རབས་ལུགས་ལ་གཏད་ན། །

འདུན་ལམ་འཚོལ་སྟངས་དེ་ཡིན། །

ཁྱོད་དང་ང་ཡི་རེ་སྨོན། །

བདེ་སྐྱིད་གཅིག་ལ་ཕྱོགས་པའི། །

གངས་རིའི་ན་གཞོན་ཡིན་ན། །

གོམ་ཁ་མཉམ་དུ་བསྒྱུར་འགྲོ། །

ཁྱོད་དང་ང་ཡི་གོམ་སྟབས། །

ཕ་ཡུལ་དག་པའི་ཞིང་དུ། །

ཡར་རྒྱས་ཆེད་དུ་ཕྱོགས་ན། །

རེ་སྙེག་བྱེད་སྟངས་དེ་ཡིན། །