雪域儿女 - 桑杰才让/阿桑旦巴

ཚིག ཨ་སངས་བསྟན་པ།

དབྱངས། ཨ་སངས་བསྟན་པ།

（未经许可,不得翻唱或使用）

ས་གནས་མཆོག་གངས་ལྗོངས་གཡང་གི་ར་བ་ན།།

ལས་བསོད་ནམས་ཆེ་བའི་གངས་ཀྱི་གཅས་ཕྲུག་གངས་ཅན་པ།།

ཁྱོད་དགའ་དུས་གངས་དཀར་ཨ་མའི་ལག་ན་ཡོད།།

ཁྱོད་སྡུག་དུས་སྤང་ལྗོངས་སྔོ་མོའི་པང་ན་ཡོད།།

ས་བྱིན་ཆགས་ཕ་ཡུལ་རིག་པའི་ཞིང་ཁམས་ན།།

ཁོག་བྱང་སེམས་ཆེ་བའི་གངས་ཀྱི་གཅེས་ཕྲུག་གངས་ཅན་པ།།

ཁྱོད་ངག་ན་ཡིག་དྲུག་འདྲེན་པའི་མགུར་རྟ་ཡོད།།

ཁྱོད་ལུས་ན་གཞན་ཡིད་འཁུལ་བའི་ཀུན་སྤྱོད་ཡོད།།

གནས་དགེ་བཅུ་ཚང་བའི་ཨེ་མ་ཡུལ་ལྗོངས་ན།།

ནང་གཤིས་ཀ་འཇམ་པའི་གངས་ཀྱི་གཅེས་ཕྲུག་གངས་ཅན་པ།།

ཁྱོད་ལྷག་བསམ་སྤྲིན་གྱི་ཚོམ་བུ་ལྡེམ་མེར་ཡོད།།

ཁྱོད་ལང་ཚོ་འཇའ་མཚོན་རི་མོ་གསལ་ལེར་ཡོད།།

སྨུག་ལང་ལོང་ཁ་བཏགས་འཐེན་པའི་རི་ཞོལ་ན།།

ཞོ་འོ་མ་འཐུང་གི་གངས་ཀྱི་གཅེས་ཕྲུག་གངས་ཅན་པ།།

ཁྱོད་རྔུལ་དུས་སྦྲ་ཁྱིམ་བསིལ་གྲིབ་དབུས་ན་ཡོད།།

ཁྱོད་གཡེང་དུས་རྩྭ་ལྗང་གོས་གདན་པང་ན་ཡོད།།