世间人爱藏地 - 德格叶

词：日当呷扎

曲：阿德.青梅才让

སྟོད་ནས་དབུས་ཀྱི་ལོ་རྒྱུས་ཉན་ནས།

ཡར་ཀླུངས་གཙང་པོས་རྒྱལ་ཁམས་ཉུལ་དུས།

བོད་མིའི་གདོང་ལ་འཛུམ་ཆུང་འཁོར་བ།

ཆུ་བོ་དྭངས་གསལ་ནང་ནས་མཐོང་སོང་།

འཛམ་གླིང་དགའ་ས་བོད་རེད།

བོད་ཀྱི་འཛུམ་ཞལ་གསེར་རེད།

བར་ནས་ཨ་མདོའི་ཤེས་ཡོན་བསླབ་ནས།

རྨ་ཆུ་ལི་མས་འཛམ་གླིང་བསྐོར་དུས།

བོད་མིའི་སེམས་ལ་བྱམས་བརྩེ་འཁྱིལ་བ།

ཆུ་བོ་བཞུར་སྒྲའི་ནང་ནས་གོ་སོང་།

འཛམ་གླིང་དགའ་ས་བོད་རེད།

བོད་ཀྱི་བྱམས་བརྩེ་གསེར་རེད།

སྨད་ནས་ཁམས་པའི་དཔའ་མཛངས་རྒུམ་ནས།

འབྲི་ཆུ་སྔོན་མོས་འཇིག་རྟེན་འགྲིམས་དུས།

བོད་མིའི་གཤིས་སྤྱོད་དར་ལས་འཇམ་པ།

ཆུ་བོ་འཁྱུགས་འགྲོས་ནང་ནས་རྟོགས་སོང་།

འཛམ་གླིང་དགའ་ས་བོད་རེད།

བོད་ཀྱི་གཤིས་སྤྱོད་གསེར་རེད།

བོད་ཀྱི་གཤིས་སྤྱོད་གསེར་རེད།