漂泊他乡 - 麻长伍萨

词：麻长伍萨

曲：麻长伍萨

ꉢꑠꀕꍈꇁꌋꉷꃅꅐꇁꃰ

ꎆꎹꋚꈹꌋꄉꀋꑞꅉꀋꐥ

ꆀꃅꈎꏅꄮꇬꀂꇬꁧꑞꉂ

ꎆꎷꎆꀋꐛꄈꀂꇬꑌꁧꀋꄐ

ꉘꀋꉘꉌꃀꍷꀕꁏꇁ

ꉘꀋꉘꑓꁴꉏꌦꌵꇁ

ꇅꄩꇪꀮꂿꆏꀿꇁꃀꉂꇁ

ꌩꏂꁯꎐꇖꆏꃶꇁꑌꉂꇁ

ꃅꃴꈭꏂꈴꄮꅪꇁꌱꉂꇁ

ꃭꄩꐛꑿꇖꆏꏣꇁꑟꉂꇁ

ꉘꀋꉘꉌꃀꍷꀕꁏꇁ

ꉘꀋꉘꑓꁴꉐꌦꌵꇁ

ꑌꑿꒉꎹꒉꋠꁧꇁꇅꄩꏮꐺ

ꃰꊿꎆꎹꎆꌬꉷꃅꇓꈐꏸꐺ

ꇭꀧꉷꃅꐥꄉꉌꃀꃅꈌꉂꇁ

ꆀꃅꆈꌠꌺꇖꉢꆹꆋꉂꇁ

ꇅꄩꇪꀮꂿꆏꀿꇁꃀꉂꇁ

ꌩꏂꁯꎐꇖꆏꃶꇁꑌꉂꇁ

ꃅꃴꈭꏂꈴꄮꅪꇁꌱꉂꇁ

ꃭꄩꐛꑿꇖꆏꏣꇁꑟꉂꇁ

ꉘꀋꉘꉌꃀꍷꀕꁏꇁ

ꉘꀋꉘꑓꁴꉐꌦꌵꇁ

ꑌꑿꒉꎹꒉꋠꁧꇁꇅꄩꏮꐺ

ꃰꊿꎆꎹꎆꌬꉷꃅꇓꈐꏸꐺ

ꇭꀧꉷꃅꐥꄉꉌꃀꃅꈌꉂꇁ

ꆀꃅꆈꌠꌺꇖꉢꆹꆌꉂꇁ

ꑌꑿꒉꎹꒉꋠꁧꇁꇅꄩꏮꐺ

ꃰꊿꎆꎷꎆꌬꉷꃅꇓꈓꏸꐺ

ꇭꀧꉷꃅꐥꄉꉌꃀꃅꈌꉂꇁ

ꆀꃅꆈꌠꌺꇖꉢꆹꆋꉂꇁ

ꉢꑠꀕꍈꇁꌊꉷꃅꅐꇁꃰ

ꎆꎸꋚꈹꌊꄉꀋꑞꅉꀋꐥ