缘分无尽 - 谢旦&班措

谢旦

班措

专辑:《缘分无尽》

更新时间:2025-03-12 10:21:57

文件格式:mp3

网盘下载

缘分无尽 - 谢旦&班措 歌词

缘分无尽 - 谢旦/班措

词:扎古尊者尖措

曲:洛赛

ཟད་ན་ཟད་ནི་ཆོག་པ། །

བྱུ་རུ་དམར་ཆུང་ཟད་ཆོག །

མི་ཟད་རང་དབང་ཡོད་ན། །

རྒྱུན་ཐག་ཟད་པ་མ་གནང་། །

བྱུ་རུ་དམར་ཆུང་ཟད་ན། །

རིན་ཐང་དེ་ལས་ལྷག་གོ །

རྒྱུན་ཐག་ཕྲ་མོ་ཟད་ན། །

བྱུ་རུའི་ཕྲེང་བ་འཐོར་འགྲོ །

འཐོར་ན་འཐོར་ནི་ཆོག་པ། །

སྡོང་མགོའི་བྱེའུ་ཁྱུ་འཐོར་ཆོག །

མི་འཐོར་རང་དབང་ཡོད་ན། །

བྱེའུ་ཚང་འཐོར་བ་མ་གནང་། །

སྡོང་མགོའི་བྱེའུ་ཁྱུ་འཐོར་ན། །

རང་རང་འཕུར་ལམ་བསྙེག་འགྲོ །

བྱེའུ་ཚང་དྲོན་མོ་འཐོར་ན། །

བྱེའུ་ཕྲུག་དམར་ལྗེན་འཁང་འགྲོ །

འཁང་ན་འཁང་ནི་ཆོག་པ། །

རྒྱ་ལྕང་ལོ་མ་འཁང་ཆོག །

མི་འཁང་རང་དབང་ཡོད་ན། །

བཙུགས་པའི་སྡོང་པོ་མ་འཁང་། །

ལོ་མ་ལྗང་མོ་འཁང་ཡང་། །

སང་ལོ་མྱུ་གུ་འབུས་ཡོང་། །

བཙུགས་པའི་སྡོང་པོ་འཁང་ན། །

ཟད་མེད་ལས་འཕྲོ་ཟད་འགྲོ། །