缘尽之忧 - 阿先/泽拉

词：叶热岗

曲：旦增加

编曲：旦增加

ཚིག་རྩོམ་མཁན། གཡེ་རུས་རྐང་།

དབྱངས：བསྟན་འཛིན་རྒྱལ།

ལེན་མཁན：ཨ་བྱམས། ཚེ་ལྷ།

བརྩེ་བ་གཞན་ལ་སྟེར་མ་མྱོང་།།

སྙིང་གཏམ་གཞན་ལ་གླེང་མ་མྱོང་།།

ཤ་དང་མཆིན་པར་བྲིས་པའི་འདང་།།

འདང་བརྩེ་རི་མོའི་དམ་ཚིག་བསྣོགས།།

ལས་དབང་མེད་ན་བསྐྱུར་ལ་ཞོག།

རི་མོ་གསལ་ཡང་ཅི་ཞིག་བྱེད།།

ལང་ཚོ་གཞན་ལ་ངོམ་མ་མྱོང་།།

ནང་སེམས་གཞན་ལ་བསྟན་མ་མྱོང་།།

གློ་དང་སྙིང་ལ་ཟུག་པའི་ཚིག།

སེམས་ལ་བཞག་པའི་ན་ཟུག་ལྕི།།

ལས་དབང་མེད་ན་བསྐྱུར་ལ་ཞོག།

ན་ཟུག་འཇམ་ཡང་ཅི་ཞིག་བྱེད།།

ལས་ཀྱི་མཛུབ་དཀྲིས་གཡུག་མ་མྱོང་།།

སེམས་ཀྱི་རྙི་ནས་གཏོང་མ་མྱོང་།།

ཉིན་མཚན་དཀར་ནག་བསྒོམས་པའི་ཁྱོད།།

རེག་ཏུ་མེད་པའི་འཇའ་ཡི་གུར།།

ལས་དབང་མེད་ན་བསྐྱུར་ལ་ཞོག།

མིག་ལ་མཛེས་ཀྱང་ཅི་ཞིག་བྱེད།།