情谊深深 - 尼多

词：德加

曲：尼多

录音：壮尕甲工作室

མ་ཐུག་ཡུན་རིང་འགོར་བས།།

ཨེ་ཐུག་ཡང་ཡང་བསམ་བྱུང་།།

བར་ཐག་རི་ཆུས་བཅད་པས།།

བྱམས་པར་ཐུག་ཐབས་མ་བྱུང་།།

རི་ཆུའི་འགག་འཕྲང་གཏོར་ནས།།

སྙིང་ཉེ་ཐུག་གི་ཐོན་ཡོད།།

བརྩེ་སེམས་རྡོ་རྗེ་མདུད་པ།།

མ་འགྱུར་དང་མའི་དུ་ཡིན།།

ང་ཁྱེད་ཀྱི་དུས་གསུམ་གྱི་དཔུང་རོགས་ཡིན།

ཁྱོད་ང་ཡི་ཉིན་མཚན་གྱི་དྲོད་ཁོལ་ཡིན།།

ལྷན་ན་ཡོད་དུས་འཁོན་ཡོང་།།

སོ་སོར་སོང་རྗེས་དྲན་ཡོང་།།

ལས་འཕྲོ་ཅན་གྱི་བྱམས་པར།།

འཁོན་ཞོར་མཐུན་ཞོར་འགྲོགས་ཡོང་།།

ཆུང་ནས་སྙིང་ལ་སིམ་པའི།།

བྱམས་པ་འདི་ལ་མི་འགལ།།

ཚེ་འདིར་འདི་འདྲ་མི་རྙེད།།

འདི་ནི་གཤིས་དྲང་གཞུང་དྲང་།།

ང་ཁྱེད་ཀྱི་མི་ཚེའི་ལོ་རྒྱུས་ཀྱི་དབུ་འཁྱུད་ཡིན།

ཁྱོད་ང་ཡི་སྣང་བའི་འཇིག་རྟེན་གྱི་མེ་ལོང་ཡིན།

ཞལ་མཇལ་ཨེ་ཡོང་བསམ་ནས།།

དྲན་པ་ཉིན་ལ་བརྩེགས་ཀྱང་།།

ཁ་ཡིག་སྐོར་ལོག་ཡིན་པས།།

བྱམས་པར་མཇལ་ཕྲད་མ་བྱུང་།།

ཆུང་འདྲིས་སྲོག་གི་ཆ་ཡིན།།

སྙིང་གཏམ་མི་ཚེའི་ནོམ་ཡིན།།

ལས་མཐུན་སྒྲོལ་མ་ལྷ་མོ།།

སྐྱིད་ལ་སྡུག་གི་གཉེན་ཡིན།།

ང་ཁྱོད་ཀྱི་ལས་དབང་གི་ཁ་ཡིག་ཡིན།།

ཁྱོད་ང་ཀྱི་བདེ་སྐྱིད་ཀྱི་འབོད་པ་ཡིན།།

སྙིང་གཏམ་མི་ཚེའི་ནོམ་ཡིན།།

ལས་མཐུན་སྒྲོལ་མ་ལྷ་མོ།།

སྐྱིད་ལ་སྡུག་གི་གཉེན་ཡིན།།

ང་ཁྱོད་ཀྱི་ལས་དབང་གི་ཁ་ཡིག་ཡིན།།

ཁྱོད་ང་ཀྱི་བདེ་སྐྱིད་ཀྱི་འབོད་པ་ཡིན།།