古 - 阿夏组合

词：阿夏组合

曲：阿夏组合

ꃅꃤꇀꌥꀐ

ꀋꃅꋍꄭꆏꑡꃅꐡ

ꌦꏓꒉꇸꇈꈬꇉꃪꐥꀃꌥꄿ

ꃮꋚꃬꋚꄐꐷꈭꐷꇜꐡ

ꅀꏁꌽꃅꑳꂾꇭꋓꑌꄉꆏꌺꇁꉚꌦꀐ

ꉜꉛꑔꏣꈘꑋꌺꀱꀁꇫꀋꇁꌥꀐꅀ

ꀉꂾꉌꃀꄏꄹꐗꀏꄇ

ꀉꂾꑓꁴꎬꑞꏢꃅꏢꀐꅀ

ꅽꌺꉷꃅꇙꈓꐺꄉꉌꃀꎭꀃꇫ

ꅽꌺꀉꒈꃲ ꅽꌺꅉꐚꃣ

ꆏꀊꅰꃅꄡꐗꄡꊀꅊꇈ

ꃅꃤꄮꇬꉢꎺꀉꂿꄀ

ꀑꀋꃅꋋꄮꆎꆹꑞꃅꐺ

ꑷꈓꐺꄉꋙꃅꐺꑴꀞ

ꀑꐷꈭꐺꄉꃮꋚꃬꋚꄐꑴꅀ

ꀉꂿꆎꆹꄡꎭꄡꅧꇆ

ꀉꂿꆎꆹꆏꎺꀕꑴꌦ

ꉢꉷꃅꐥꄉꄯꒉꌶꄮꇬ

ꉢꀱꀁꇬꎆꃀꎹꆹ

ꆏꑭꃶꈛꂿꍬꄉꇤꎆꉛꐺ

ꉌꎭꀉꂿꅽꑠꑠꍈꑌ

ꀃꑍꋍꄮꅽꌺꀉꒈꃲ

ꌳꉔꀉꂿꍔꇁꑋꅉꃅ

ꌺꄸꀉꂿꍕꇁꑕꅉꃅ

ꃅꃤꄮꇬꉢꎺꀉꂿꄀ

ꀋꃅꋋꄮꆎꆹꑞꃅꐺ

ꌺꊂꑌꄉꉌꃀꄏꄹꐒꀐꀞ

ꀐꌺꉂꑓꁴꏁꍻꀕꀐꅀ

ꀿꅇꎷꇺꋯꆎꉉꇬꑌ

ꀿꅇꀋꃅꊰꇉꈴꁧꃲ

ꃀꅇꂷꋚꒉꄷꉉꇬꑌ

ꃀꅇꀋꃅ