守候你的纯洁 - 黑土地组合

ཁྲེལ་གཞུང་འཚོ་རོགས་ཀྱི་བུ་མོ

གཞས་ཚིག ཚེ་དཔག་རྣམ་རྒྱལ

གཞས་གདངས སྒྲོལ་མ་སྐྱབས

གཞས་མཁན ས་ནག་གཞས་ཚོགས

ནམ་ཟླ་དབྱར་གཞུང་ཞིག་ལ

རྩྭ་ལྗང་ཟིལ་བ་ཁྲོམ་ཁྲོམ

མེ་ཏོག་བཀྲག་མདངས་ལམ་ལམ

སྙིང་གཏམ་ཆུ་མོ་ཤག་ཤག

འཇམ་ཤ་དང་རྫུ་བག་ཁུར་བའི་སེར་ཆེན་ཁྱོད

འཛུམ་ཀོང་དང་ཟུར་མིག་སྨིན་པའི་བུ་མོ་ཁྱོད

མེ་ཏོག་གི་ཚུལ་དུ འཇའ་ཚོན་གྱི་ཟོལ་གྱིས

མཛེས་སྡུག་གི་རྨི་ལམ་དུ་བབས་བྱུང་

ཚིག་གསུམ་བཤད་རོགས་ཀྱི་བུ་མོ

ཁྲེལ་གཞུང་འཚོ་རོགས་ཀྱི་བུ་མོ

ནམ་ཟླ་དབྱར་གཞུང་ཞིག་ལ

བསིལ་འཇམ་རླུང་བུ་ཤིག་ཤིག

སྤྲིན་དཀར་འདབ་མ་ལྡེམ་ལྡེམ

དུངས་ཞེན་ལུ་གུ་ལྡིང་ལྡིང

དམ་ཚིག་དང་སོར་གདུབ་ཁུར་བའི་བུ་མོ་ཁྱོད

དྲན་གདུང་དང་ཞེན་ཆགས་འཐུ་བའི་བུ་མོ་ཁྱོད

ཆུ་ཐིགས་ཀྱི་ཚུལ་དུ་ ན་བུན་གྱི་ཟོལ་གྱིས

དུངས་སེམས་ཀྱི་མཚོ་ཁ་རུ་བབས་བྱུང

ཚིག་གསུམ་བཤད་རོགས་ཀྱི་བུ་མོ

ཁྲེལ་གཞུང་འཚོ་རོགས་ཀྱི་བུ་མོ