姆妈 - 顶楼的马戏团

词：顶楼的马戏团

曲：顶楼的马戏团

勒外婆眼里侬永远是伊放心勿下个小女儿

往我屋里个冰箱里塞满侬自家包个大馄饨

我终于学会去尊重侬简朴得勿能再简朴个习惯

侬摸了摸我新买个Levis破了洞个牛仔裤

侬讲“小人 我搞勿懂 我真个搞勿懂

就算送拨我 我也勿要 为啥新裤子会有洞

我还弹勒海侬买拨我 我个第一把电吉他

侬担心自家个高度近视眼有一天真个会瞎脱

到今朝侬也勿理解为啥我会选择跟爸爸生活

勒梦里向侬背好旅行袋勒登机口帮我讲再会

侬讲“小人 我可能要离开侬蛮长一段辰光

下趟侪要靠侬自家照顾好侬自家

勒我婚礼浪侬有生以来第一趟穿起了旗袍

落暴雨个夜到侬捏紧笼头推脚踏车送宝宝

从窗口头侬伸出头一边挥手一边叫我名字

勒我结婚之前侬拨了我侬存了多年个钞票

侬讲“小人 我真个只能拨侬介许多了

我总归还要为自家留一眼钞票养老养老