Yeh Hum Aa Gaye Kahaan - 爱无国界 (Veer-Zaara)

Lehraati huwi raahein

Khole huwe hain baanhein

Yeh hum aa gaye hain kahan

Palkon pe gehre halke

Hai reshmi dhundhalke ke

Yeh hum aa gaye hain kahan

Aa yeh hum aa gaye hain kahan

Woh dekho zara

Parbaton pe ghataayein

Hamaari daastaan

Holle se sunaaye

Suno toh zara

Ye phoolon ki waadi

Hamaari hi koyi kahani hai sunaati

Sapnon ke is nagar mein

Yaadon ki rehguzar mein

Yeh hum aa gaye hain kahan

Haan yeh hum aa gaye hain kahan

Jo raahon mein hai

Rut ne sona bikhera

Sunehra huwa

Tera mera savera

Zameen so gayi

Barf ki chaadaron mein

Bas ek aag si jalti hai do dilon mein

Hawaayein sansanaayein

Badan kaanp jaayein

Yeh hum aa gaye hain kahan

Haan yeh hum aa gaye hain kahan

Ye barsaat bhi

Kab thamein kaun jaane

Tumhein mil gaye

Pyaar ke sau bahaane

Sitaaron ki hai

Jaise baaraat aayi

Hamaare liye

Raat yun dagmagaayi

Sapne bhi jhilmilaayein

Dil mein diye jalaayein

Yeh hum aa gaye hain kahan

Haan Yeh hum aa gaye hain kahan

Haan yeh hum aa gaye hain kahan