锅庄起舞 - 谢旦/索南曲珍

词：冈居•土登扎西

曲：噶尔•三智才让

音乐宣传：谢旦贴吧工作室

ན་ཁ་མེ་ཏོག་ཐང་ལ་མོ་གཞོན༼ཨ་རེ༽འཛོམས་སོང་།

འཛོམས་པ་ལན་གཅིག༼བྲོ་རེ་ཡག་མོ༽བྱུང་སོང་།

འཛུམ་གྱི་པདྨོ་ཡག་ཡག

ངག་གི་འགྱུར་ཁུག༼བསོ་ལོ་ལོ༽

བྱུ་རུའི་ཐོད་ཕྲེང་ལྡེམ་ལྡེམ།

ལུས་ཀྱི་སྟངས་སྟབས༼སེའེ་ལེ་ལེ༽

སྐེད་པ་དྲིལ་ཆུང་གཡུག་གཡུག་སོར་མོའི་མེ་ཏོག་ནི་ལྡེམ་སེར་ལྡེམ།

བསོ་་་་་སྐོར་བ་བྲོ་ཡིས་བརྒྱབ་སོང་།

མགྲིན་པའི་སྙན་དབྱངས༼བསོ་ལོ་ལོ༽

བསོ་ཡ་ལ་་་་་་་་་་གོས་ཆེན་འདབ་མ༼སེའེ་ལེ་ལེ༽

ཨ་ལ། ༼སེའེ་ལེ་ལེ༽

ན་ཁ་མེ་ཏོག་ཐང་ལ་ཕོ་གཞོན༼ཨ་རེ༽འཛོམས་སོང་།

འཛོམས་པ་ལན་གཅིག༼བྲོ་རེ་ཡག་མོ༽བྱུང་སོང་།

དཔུང་བའི་རི་བོ་ཡག་ཡག

བྲོ་གཞས་སྙན་མོ༼བསོ་ལོ་ལོ༽

རྐང་པའི་ཀ་བ་བཙུགས་ནས།

སོག་པ་ལེབ་མོ༼སེའེ་ལེ་ལེ༽

ལག་པ་གློག་ཞགས་འཁྱུག་འཁྱུག་སྐྲ་ཡི་འདབ་མ་ནི་ལྡེམ་སེར་ལྡེམ།

བསོ་་་་་་སྐོར་བ་བྲོ་ཡིས་བརྒྱབ་སོང་།

ལྷན་འཛོམས་དགོད་སྒྲ༼བསོ་ལོ་ལོ༽

བསོ་ཡ་ལ་་་་་་་ལུས་ཀྱི་ལྡེམ་མྱུར༼སེའེ་ལེ་ལེ༽

ཨ་ལ། ༼སེའེ་ལེ་ལེ༽

རྩྭ་ཐང་གདན་ལ་བཏིང་ནས་ང་ཚོ༼ཨ་རེ༽འཛོམས་སོང་།

འཛོམས་པ་ལན་གཅིག༼བྲོ་རེ་ཡག་མོ༽བྱུང་སོང་།

འཇའ་ཡི་གུར་ཁང་ཡག་ཡག

ཁུ་ལོའི་གསུངས་སྐད༼བསོ་ལོ་ལོ༽

དགའ་བ་དགོད་སྒྲའི་ཁྲོད་ནས།

མེ་ཕུང་སྐོར་བྲོ༼སེའེ་ལེ་ལེ༽

ཟླ་བའི་འོད་གོར་གསལ་གསལ་སྐར་མའི་རུ་དཔུང་ནི་ཁྲ་ལམ་མེར།

བསོ། སྐོར་བ་བྲོ་ཡིས་བརྒྱབ་སོང་།

བྲོ་གཞས་སྙན་མོ༼བསོ་ལོ་ལོ༽

བསོ་ཡ་ལ་་་་་་་་བྲོ་ར་ཡག་པོ༼སེའེ་ལེ་ལེ༽

ཨ་ལ། ༼སེའེ་ལེ་ལེ༽