雪域使者 - 拉格卓玛

词：德却加

曲：索肖达杰

ངོ་མཚར་ཆེ་

ལྟ་བའི་མིག་གི་དགའ་སྟོན་བརྙན་རིས་མཛེས།

ངོ་མཚར་ཆེ།

ཉན་པ་ངག་གི་འགྱུར་ཁུགས་ཕ་སྐད་མཛེས།

དུས་གསུམ་འགྱུར་བ་སྟོན་པའི་མེ་ལོང་ཡིན།

ནམ་མཁའི་དབྱིངས་ཀྱི་སྐར་མ་འོད་པོ་ཆེ།

དགའ་བྱུང་ཡོད་སྐྱིད་བྱུང་ཡོད།

དཔལ་དང་འབྱོར་པ་རྒྱས་པའི་འཕྲིན་གསར་ཡིན།

མི་རིིགས་མཐུན་སྒྲིལ་བཀྲ་ཤིས་གསེར་ཟམ་ཡིན།

ཁྱོད་ནི་ང་ཚོའི་དུས་ཀྱི་ཕོ་ཉ་ལགས།

ངོ་མཚར་ཆེ་

ལྟ་བའི་མིག་གི་དགའ་སྟོན་བརྙན་རིས་མཛེས།

ངོ་མཚར་ཆེ།

ཉན་པ་ངག་གི་འགྱུར་ཁུགས་ཕ་སྐད་མཛེས།

སྣ་ཚོགས་གཏམ་གྱི་སྒོ་མོའི་གླེང་སྟེགས་ཡིན།

ཁ་བའི་ལྗོངས་ཀྱི་ཞབས་རྗེས་རླབས་པོ་ཆེ།

དགའ་བྱུང་ལ་སྐྱིད་བྱུང་ལ།

ཡ་རབས་ལུགས་ཀྱི་ཐེམ་སྐས་ཁ་བརྡ་ཡིན།

འཛམ་གླིང་གནས་ཚུལ་མཉམ་དུ་སྒྲོག་ས་ཡིན།

ཁྱོད་ནི་ང་ཚོའི་དུས་ཀྱི་ཕོ་ཉ་ལགས།

ངོ་མཚར་ཆེ་

ལྟ་བའི་མིག་གི་དགའ་སྟོན་བརྙན་རིས་མཛེས།

ངོ་མཚར་ཆེ།

ཉན་པ་ངག་གི་འགྱུར་ཁུགས་ཕ་སྐད་མཛེས།

རྨ་འབྲིའི་རླབས་ཀྱི་ཟེགས་མ་མཚར་མོ་ཆེ།

གླུ་དང་གར་ལ་རོལ་བའི་སྟེགས་བུ་ཡིན།

ཆུང་ཆུང་བྱིས་པའི་མེ་ཏོག་གངས་ལྷ་ཡིན།

དགའ་བྱུང་ལ་སྐྱིད་བྱུང་ལ།

གངས་ལྗོངས་འཕེལ་འགྱུར་དངོས་སུ་འབྲི་ས་ཡིན།

ཁྱོད་ནི་ང་ཚོའི་དུས་ཀྱི་ཕོ་ཉ་ལགས།

ཁྱོད་ནི་ང་ཚོའི་དུས་ཀྱི་ཕོ་ཉ་ལགས།