新年愿望 - 拉吉

拉吉

专辑:《青稞姑娘》

更新时间:2025-01-20 01:36:31

文件格式:mp3

网盘下载

新年愿望 - 拉吉 歌词

新年愿望 - 拉吉

词:拉吉

曲:拉吉

(未经许可,不得翻唱或使用)

༼༡༽ལོ་གསར་བའི་རེ་སྨོན།

ཚིག ལྷ་སྐྱིད།

དབྱངས། ལྷ་སྐྱིད།

ལེན་མཁན། ལྷ་སྐྱིད།

བོད་ཁ་བ་ཅན་གྱི་ཞིང་ཁམས་ན།།

ནང་བསམ་སྤྱོད་སྐད་ཡིག་གཅིག་པའི་གྲོགས།།

སྒོས་བདག་གི་དྲ་ཚོམ་འདིར་བཞུགས་ལ།།

ངས་ལོ་གསར་སྨོན་ལམ་ཚིག་གསུམ་ཞུ།།

དུས་ད་ལོའི་ལོ་སར་ཁྱིམ་ནས་བཞུགས།།

མགྲོན་ཕན་ཚུན་མ་འབོད་རང་རང་གྱིས།།

ལུས་བོད་ཆས་གྱོན་ལ་བོད་ཟས་རོལ།།

ལག་གཙང་སྦྲ་མ་བརྗེད་འཕྲོད་བསྟེན་མཛོད།།

གངས་དཀར་པོའི་ཤེལ་ཕྲེང་མི་འཐོར་བར།།

ལྷ་ཕྱག་ན་པད་མོས་བཀྲ་ཤིས་ཤོག།

སྤང་ལྗང་ལོའི་ཁ་མདོག་མི་ཉམས་པར།།

མགོན་ས་ཡི་སྙིང་པོས་བཀྲ་ཤིས་ཤོག།

རིགས་བཟང་པོའི་རིགས་རྒྱུད་མི་ཆད་པར།།

ལྷ་ཚེ་དཔག་མེད་པས་བཀྲ་ཤིས་ཤོག།

ཕྱུགས་རྐང་བཞིར་གོད་ཁ་མི་ཡོང་བར།།

དཔལ་རྣམ་ཐོས་བུ་ཡིས་བཀྲ་ཤིས་ཤོག།

བོད་ཆོས་སྲིད་རིག་དཔལ་འཛོམས་པ་ལ།།

མགོན་ཆོས་སྐྱོང་སྲུང་མས་བཀྲ་ཤིས་ཤོག།

ཚེ་བསོད་ནམས་དབྱར་མཚོ་བཞིན་དུ་རྒྱས།།

མགོན་ཛམ་བྷ་ལ་ཡིས་བཀྲ་ཤིས་ཤོག།

ནང་ཕུ་ནུའི་མཐུན་སྒྲིལ་བརྟན་པར་ཤོག།

ཕྱི་འཛམ་གླིང་ཞི་བདེ་ཡོང་བར་ཤོག།

རྐྱེན་བར་ཆད་འཇའ་ལྟར་ཡལ་བར་ཤོག།

ཁྱེད་འདིར་ཚོགས་ཅི་བསམ་འགྲུབ་པར་ཤོག།