Diniqute katjimêrek

Dadinisile li kefa destan

Tingîniya bendemayînê

Ditevizîne dengê newalan

Meteloka perperîkê

Serpêhatîyek ji hazirîyan

kerbê rêyan ji kerbê salan

Ka were zerî li ser her du çavan

Dengê qulingekê tê

Ji banên Mêrdînê

Bêhna berfê tîne ji

Xwedê zane te jî dil heye

Bibe tava li hembêza min

Ka were zerî li ser her du çavan

Diniqute katjimêrek

Aş nabe dilê evîndar

Huş bûye lê aş nebûye dil

Dike şivantîya hêvîyan

Êvareke înê

Di destê min de qevdek nêrgiz

Min xwe daye devê rê

Bi hesreta wan çavan

De tu werî dîtina min

Dest werde li birîna min

Ji bo xatirê yek miletî û çar zimanan