红尘 - 德格叶

词： 岗华

曲： 德格叶

Rap： 黎智坚措

གསེར་གྱི་སྒྲོལ་མ་འགྱུར་ཐལ།།

དངུལ་གྱི་སྒྲོལ་མས་བརྗེད་ཐལ།།

སེམས་ཀྱི་གཡུ་ཡི་སྒྲོལ་མ།།

གཞན་རྗེས་འབྲང་ནས་བྲོས་ཐལ།།

ཚིག་རྟིང་མནའ་ཡིས་བསྒགས་པའི།།

ཁ་འབྲས་འཚར་བའི་འབྲོག་མོ།།

སེམས་པ་སེམས་ཀྱིས་ཤེས་ན།།

རྒྱ་གྲོང་བརྒྱུད་ནས་མ་འགྲོ།།

ཨ་ཅག་སྙིང་མཐུན་ཁྱོད་ཕྱིར་ལ་ཤོག་ངས་ཁྱོད་ཆང་ཞིག་འདྲེན།

ཨ་ཅག་སྙིང་མཐུན་ཁྱོད་ཕྱིར་ལ་ཤོག་ངས་ཁྱོད་གླུ་ཞིག་ལེན།

ཨ་ཅག་སྙིང་མཐུན་ཁྱོད་ཕྱིར་ལ་ཤོག་ངས་ཁྱོས་དྲན་པ་གླེང་།

རྐྱང་ཞུར་རྐྱང་ལ་འདྲེས་ཐལ།།

གྲོ་ཞུར་ཇག་པས་དེད་ཐལ།།

སེམས་ཀྱི་རྟ་ནག་རྟིང་དཀར།།

རྟོད་ཐག་བཅད་ནས་ཤོར་ཐལ།།

ཁ་རའི་ནང་ལ་བཏགས་པའི།།

གཡེར་ཆེན་རྔོག་དཀར་དྲེའུ་ཆུང་།།

གཤིས་བཟང་གོམ་ཁ་ཡང་ན།།

ཤིང་སྒ་གསེར་གྱིས་ཤན་ཡོད།།

སྲབ་མདའ་སྲབ་སྐྱོགས་ཆད་ན་ཆད་ང་སྐྱ་མོ་ལམ་ཡོད་གི

སྒ་གདན་གྲུ་བཞི་ལྷག་ན་ལྷག་ང་གསེར་གྱི་སྒ་ཡོད་གི

བྱང་ལམ་མཚམས་ནས་ལུས་ན་ལུས་ང་སྨུག་ཆུང་དྲེའུ་ཡོད་གི

说唱：

གསེར་གྱི་སྒྲོལ་མ་འགྱུར་ཐལ།།

དངུལ་གྱི་སྒྲོལ་མས་བརྗེད་ཐལ།།

སེམས་ཀྱི་གཡུ་ཡི་སྒྲོལ་མ།།

གཞན་རྗེས་འབྲང་ནས་བྲོས་ཐལ།།

ཚིག་རྟིང་མནའ་ཡིས་བསྒགས་པའི།།

ཁ་འབྲས་འཚར་བའི་འབྲོག་མོ།།

སེམས་པ་སེམས་ཀྱིས་ཤེས་ན།།

རྒྱ་གྲོང་བརྒྱུད་ནས་མ་འགྲོ།།

ཨ་ཅག་སྙིང་མཐུན་ཁྱོད་ཕྱིར་ལ་ཤོག་ངས་ཁྱོད་གླུ་ཞིག་ལེན།

ཨ་ཅག་སྙིང་མཐུན་ཁྱོད་ཕྱིར་ལ་ཤོག་ངས་ཁྱོད་ཆང་ཞིག་འདྲེན།

ཨ་ཅག་སྙིང་མཐུན་ཁྱོད་ཕྱིར་ལ་ཤོག

ངས་ཁྱོད་ཚིག་གསུམ་བཤད།

ཨ་ཅག་སྙིང་མཐུན་ཁྱོད་ཕྱིར་ལ་ཤོག་ངས་ཁྱོས་དྲན་པ་གླེང་།

འཁོར་བའི་སྙིང་བོ་ཁྱོད་གང་ན་ཡོད་གོས་ཆེན་འབྲུག་མ་ལགས།

འཁོར་བའི་སྙིང་བོ་ཁྱོད་གང་ན་ཡོད་དངུལ་དཀར་མཛུབ་དཀྲིས་ལགས།

གཤིས་ལ་འགྱུར་བག་ཆེ་བས།།

རིང་ན་དྲན་གི་གསུང་བྱུང་།།

བློ་ན་སྣོག་རྒྱུ་མང་བས།།

ཉེ་ན་སུན་གི་གསུང་བྱུང་།།

རྒྱུ་རྐྱེན་ཆེན་པོ་མེད་ཀྱང་།།

རྒྱུ་མཚན་མེད་པར་གཤེ་ཡོང་།

ཁ་དང་འགྲམ་པ་གཤིབ་ན།།

རྒྱུན་དུ་འཁོན་གྲོས་མང་བ།།

འཁོར་བའི་སྙིང་བོ་ཁྱོད་གང་ན་ཡོད་གོས་ཆེན་འབྲུག་མ་ལགས།

འཁོར་བའི་སྙིང་བོ་ཁྱོད་གང་ན་ཡོད་དངུལ་དཀར་མཛུབ་དཀྲིས་ལགས།

འཁོར་བའི་སྙིང་བོ་ཁྱོད་གང་ན་ཡོད་ལ་གླུ་རིང་མོ་ལགས།