月光小调 - CHONGGYE SOWANG（琼结索旺）

词：扎聂次更

曲：贡嘎伦珠

དགུང་སྔོན་མཐོན་པོའི་དབྱིངས་ནས།

དཀར་གསལ་ཟླ་བ་ཤར་དུས།

ཞལ་རས་དུང་ལྟར་དཀར་བའི།

མཛེས་ལྡན་ཁྱེད་རང་དྲན་བྱུང་།

ཞལ་རས་དུང་ཟླ་དཀར་པོ།

ཡ་གིའི་ཟླ་དང་མཉམ་ཡང་།

ཚེས་ཆེན་བཅོ་ལྔའི་བཞིན་དུ།

འཇལ་བའི་བསྐལ་བ་དཀོན་བྱུང་།

ཟླ་འོད་འོག་གི་གླུ་ཆུང་།

སེམས་པ་ངག་ནས་ཐལ་སོང་།

ཐག་རིང་མཛེས་ལྡན་ལྷ་མོ།

གསན་པ་ལ་ནི་ཨེ་བྱུང་།

སྐྱོ་པོ་མི་ཡི་ལུང་པར།

ཉི་མ་ལོ་ལས་རིང་བྱུང་།

ཐག་རིང་མཛེས་ལྡན་ལྷ་མོ།

ཡིག་ཆུང་ལན་གསུམ་གནང་དང་།

ཁེར་རྐྱང་མཚན་མོ་རེ་རེ།

ཁྱེད་རང་ཡིད་ལ་འཁོར་དུས།

དྲན་གདུང་ན་ཟུག་ལྕི་མོ།

འགོག་པའི་ཐབས་ཤེས་མ་བྱུང་།

ཟླ་འོད་འོག་གི་གླུ་ཆུང་།

སེམས་པ་ངག་ནས་ཐལ་སོང་།

ཐག་རིང་མཛེས་ལྡན་ལྷ་མོ།

གསན་པ་ལ་ནི་ཨེ་བྱུང་།

སེམས་པ་ངག་ནས་ཐལ་སོང་།

ཐག་རིང་མཛེས་ལྡན་ལྷ་མོ།

གསན་པ་ལ་ནི་ཨེ་བྱུང་།

ཟླ་འོད་འོག་གི་གླུ་ཆུང་།

སེམས་པ་ངག་ནས་ཐལ་སོང་།

ཐག་རིང་མཛེས་ལྡན་ལྷ་མོ།

གསན་པ་ལ་ནི་ཨེ་བྱུང་།

ཟླ་འོད་འོག་གི་གླུ་ཆུང་།

ཟླ་འོད་འོག་གི་གླུ་ཆུང་།