情投意合 - 谢旦/桑登措姆

词：龙灵布

曲：嘎多吉扎巴

海报设计：霍扎赛

发行：藏歌头条音乐工作室

བྱ་ལ་གསུང་སྐད་ཡག་ལེ།།

ཤིང་ལ་དྲི་མ་ཡག་ལེ།།

ལྷ་ཡི་བཀའ་ཡིག་ཡག་ལེ།།

བསྐོས་པའི་ལས་འཕྲོ་ཡག་ལེ།།

ཁྱོད་ནི་ལྷ་བྱ་ཁུ་བྱུག །

ང་ནི་ལྷ་ཤིང་ཤུག་པ།།

སྡོད་ས་བྲག་ལས་མེད་ཀྱང་།།

མཉམ་འགྲོ་མཉམ་འདུག་བྱེད་ཆོག །

ཞང་ཡ་རེ་ལོ། ཞང་ཡ་རེ་ལོ།

སྡོད་ས་བྲག་ལས་མེད་ཀྱང་།།

མཉམ་འགྲོ་མཉམ་འདུག་བྱེད་ཆོག །

མཉམ་འགྲོ་མཉམ་འདུག་བྱེད་ཆོག །

ཆུ་ནི་འགྲོ་བ་འདྲེན་པ།།

རྩྭ་ནི་པད་མ་རག་ག །

ཉམས་ཀྱི་བཀོད་པ་ཡག་ལེ།།

རང་བྱུང་མཛེས་པ་ཡག་ལེ།།

ཁྱོད་ནི་ལྷ་མཚོ་ཕྱུག་མོ།།

ང་ནི་མེ་ཏོག་པདྨ།།

མཚོ་ལ་འགྱུར་བ་མེད་ན།།

མེ་ཏོག་འགྱུར་དགོས་མི་འདུག །

ཞང་ཡ་རེ་ལོ། ཞང་ཡ་རེ་ལོ།

མཚོ་ལ་འགྱུར་བ་མེད་ན།།

མེ་ཏོག་འགྱུར་དགོས་མི་འདུག །

མེ་ཏོག་འགྱུར་དགོས་མི་འདུག །

འགྲོགས་ན་གཤིས་ཀ་ཡག་ལེ།།

འདྲིས་ན་སེམས་པ་ཡག་ལེ།།

ལྷ་ཡི་ལུང་ཚིག་ཡག་ལེ།།

མི་ཡི་གྲོས་ཁ་ཡག་ལེ།།

ཁྱོད་ནི་ལ་མོའི་ཕར་ནང་།།

ང་ནི་ལ་མོའི་ཚུར་ནང་།།

རྒྱུ་ལ་གསེར་དངུལ་མེད་ཀྱང་།།

ཚེ་ཡི་གཏམ་རྒྱུད་འབྲི་ཆོག །

ཞང་ཡ་རེ་ལོ། ཞང་ཡ་རེ་ལོ།

རྒྱུ་ལ་གསེར་དངུལ་མེད་ཀྱང་།།

ཚེ་ཡི་གཏམ་རྒྱུད་འབྲི་ཆོག །

ཚེ་ཡི་གཏམ་རྒྱུད་འབྲི་ཆོག །

ཚེ་ཡི་གཏམ་རྒྱུད་འབྲི་ཆོག །