热迪查姆 - 谢旦

ཚིག འབའ་ཁུ་ལོ།

词：巴克洛

དབྱངས། རིག་འཛིན་ཐར།

曲：仁增太

（未经许可,不得翻唱或使用）

རི་མཐོན་པོ་སྨུག་པའི་སྐེ་རགས་ཅན།

ཤ་ཡུ་མོ་འཁོར་ན་ཇེ་ཡག་རེད།

འབྲོང་བྲེ་སེར་གསེར་གྱི་རུ་ཐུར་ཅན།

སྨུག་རྭ་རྩེ་ཁུར་ནས་གང་ལ་སོང་།

སྟག་ཤ་ར་གྲི་ཆུང་གློ་གཟུར་ཅན།

ས་འདི་ནས་སོང་ན་རང་ཡུལ་དྲན།

རུ་སྡེ་བ་སྨུག་པའི་ལ་ཐོད་ཅན།

ས་གར་སོང་ས་ནས་བརྗེད་མེད་རེད།

སྤང་སྔོན་མོ་གཡུ་ཡི་མེ་ལོང་ཅན།

ན་མེ་ཏོག་འཁྲུངས་ན་ཇེ་ཡག་རེད།

ལུག་ཚེར་དཀར་དུང་གི་བལ་ཁ་ཅན།

ཐང་མེ་ཏོག་བདའ་ནས་གང་ལ་སོང་།

སྨན་བུ་མོ་སྐར་མའི་མིག་ཟུང་ཅན།

ས་འདི་ནས་སོང་ན་རང་ཡུལ་དྲན།

རུ་སྡེ་བ་གོས་ཆེན་རི་མོ་ཅན།

ས་གར་སོང་ས་ནས་བརྗེད་མེད་རེད།

སྡེ་ཆེན་པོ་གཡང་གི་ཁ་ཞགས་ཅན།

ཕ་ཨ་ཁུས་བསྐོར་ན་ཇེ་ཡག་རེད།

ནང་ན་ཟླ་གོས་ཚར་ཤོམ་ལྭ་ཅན།

ཕྱི་སྡེ་མཐའ་བསྐོར་ནས་གང་ལ་སོང་།

ཆུང་རྩེ་རོགས་ཁ་ཚིག་འོ་མ་ཅན།

ས་འདི་ནས་སོང་ན་རང་ཡུལ་དྲན།

རུ་སྡེ་བ་ལྕགས་མཁར་སྒོ་མེད་ཅན།

ས་གར་སོང་ས་ནས་བརྗེད་མེད་རེད།

ས་གར་སོང་ས་ནས་བརྗེད་མེད་རེད།